Java.com.mk

Искази: if-then и if-then-else

прегледано:

156118

вкупно гласови:

средна оценка:

4.0

коментари:

оценуваат само членови

испрати до пријател

испечати

Исказ: if-then

Ова е најосновниот исказ при контрола на тек. Овој исказ му кажува на твојот програм да изврши одреден дел од кодот само ако зададен услов е со точен резултат. На пример, класата Velosiped може да дозволи кочниците да ја намалат брзината на велосипедот само ако велосипедот е веќе во движење.
Една можна имплементација на „uspori“ методата може да биде вака:

void uspori() {
    if (voDvizenje){ // iskazot „if“, velosipedot mora da se dvizi
        brzinaNaDvizenje--; // klauzata „then“, namali ja brzinata
    }
}

Доколку првата проверка при евалуација врати неточен резултат (false), значејќи дека велосипедот не се движи, контролата скокнува директно на крајот на if-the исказот.
Да напоменеме само дека големите загради „{“ и „}“ во овој случај се опциони бидејќи клаузата „then“ содржи само еден исказ. Пример:

void uspori() {
if (voDvizenje) brzinaNaDvizenje--; // isto kako i prethodnoto, no sega bez zagradite
}

Одлуката за тоа кога да не се искористат заградите е прашање на личен избор. Некористењето на заградите може да го направи изворниот код по непрегледен, понежен и посколон кон грешки. На пример доколку се додаде уште еден исказ во „then“ клаузата, честа грешка е да се заборави да се стават заградите. Самиот компајлер ова не го гледа како грешка, но извршувањето на методата, блокот или исказот ќе даде погрешен резултат.

Исказ if-then-else

Исказот if-then-else овозможува втора патека на извршување кога клаузата „if“ ќе евалуира неточна вердност (false). Можеш да го употребиш if-then-else исказот во методата „uspori()“ за да се изврши некоја акција доколку велосипедот не се движи. Во овој случај, акцијата би била едноставно да испечатиме грешка со известување дека велосипедот е веќе застанат.

void uspori() {
    if (voDvizenje){
         brzinaNaDvizenje--;
    } else {
            System.err.println("Velosipedot ne se dvizi!");
    }
}

Следниов програм, односно IfElseDemo оценува со оценки од 1 до 5. 5 за резултат 90% и подобар, 4 за резултат 80% или подобар итн.

class IfElseDemo {

  public static void main(String[] args) {

    int rezultat = 76;
    int ocenka = 1;

    if (rezultat >= 90) {
      ocenka = 5;
    } else if (rezultat >= 80) {
      ocenka = 4;
    } else if (rezultat >= 70) {
      ocenka = 3;
    } else if (rezultat >= 60) {
      ocenka = 2;
    } else {
      ocenka = 1;
    }
    System.out.println("Ocena = " + ocenka);
    }
}

Резултатот од програмот е:

Ocena = 3

Сигурно примети дека вредноста на „rezultat“ може да задоволи повеќе од еден услов (76 >= 70 и 76 >= 60). Но како и да е штом еден услов е исполнет исказите кои одговараат се извршени (ocenka = 3;), а остантатите услови не се евалуираат.